Ұлттық банк Мәскеу биржасына қарсы санкциялар салынғаннан кейін мәлімдеме жасады

Ұлттық банк Мәскеу биржасына қарсы санкциялар енгізілгеннен кейін қаржы нарығындағы ахуалдың қалыптасуына мониторинг жүргізіп жатқанын мәлімдеді. Бұл туралы KAZ.NUR.KZ Ұлттық банктің ресми сайтына сілтеме жасап хабарлайды.

"Ресей Федерациясында бірқатар инфрақұрылымдық қаржы ұйымындарының санкцияға ілігуіне байланысты Қазақстан Ұлттық банкі қаржы нарығындағы ахуалдың қалыптасу барысына мониторинг жүргізіп отыр", - делінген хабарламада.

Қазақстан қор биржасында сауда-саттық ісі штаттық режимде жүріп жатыр. Бұған дейін тиісті баспасөз релизі биржаның ресми сайтында жарияланған болатын.

"Теңге бағамы қазіргі уақытта қолайлы дамып келе жатқан ішкі және сыртқы факторлардың әсерінен қалыптаса береді: мұнай бағасы барреліне 80 АҚШ долларынан жоғары деңгейде", - деді Ұлттық банк өкілдері.

Мәтіннен қате тапсаңыз, бізге жазыңыз