"35,7 трлн теңге": қазақстандықтар депозитте ақша жинаудан жаңа рекорд орнатты

Жеке тұлғалардың жинақтары өсуде, ал долларлық депозиттердің үлесі үш ай қатарынан тарихында ең төменгі деңгейде қалып отыр. Заңды тұлғалардың салымдары да өсуде. Бұл туралы толығырақ KAZ.NUR.KZ материалынан оқыңыздар.

Депозиттер – қазақстандықтар арасында ақша сақтаудың ең танымал құралы. Бұл ретте қаражаттың басым бөлігі теңгеде сақталады, бұл өткен жылдың соңында басқа валюталарға қарағанда тиімдірек болып шықты.

Мәселен, ҚР Ұлттық Банкі жариялаған мәліметтерге сәйкес, шілде айының соңында тұрғындар мен заңды тұлғалардың Қазақстанның депозиттік ұйымдардағы депозиттерінің көлемі 35,7 трлн теңге болды. Бұл мамыр айымен салыстырғанда 3,7 пайызға, ал 2023 жылдың маусым айындағы көрсеткіштерден бірден 14,5 пайызға жоғары.

Қазақстандықтар қанша және қандай валютада жинаған

Маусым айының соңында азаматтардың депозиттерінің жалпы көлемі 19,9 трлн теңгеге жетті, бұл мамыр айының қорытындысымен салыстырғанда 3,6 пайызға артық. Салыстыру үшін заңды тұлғаларда 15,9 трлн теңге (плюс айына 3,8 пайыз) жинақталған.

Доллар жинақтарына келетін болсақ, олардың депозиттердің жалпы көлеміндегі үлесі небәрі 22 пайыз – бұл үшінші ай бойы сақталып келе жатқан рекордтық ең төменгі деңгей. Сонымен бірге, бір жыл бұрын (2023 жылдың маусымында) олардың үлесі 26 пайыз болды.

Бұған дейін 1 миллион теңге жинақты әртүрлі валютада қалай дұрыс тарату керектігін айтқан болатынбыз.