Жаңа 10 мыңдық қағаз ақшаны қабылдамаған жағдайда не істеу керек: Ұлттық банк өкілдері жауап берді

Ұлттық банк өкілдері "Сақ стилі" сериясындағы жаңа 10 мыңдық банкнотты қабылдамаған жағдайда не істеу керек екенін, сондай-ақ оның қорғаныш элементтері туралы егжей-тегжейлі түсіндірді. Бұл туралы KAZ.NUR.KZ хабарлайды.

Ұлттық банк 2024 жылғы 28 маусымнан бастап номиналды құны 10 000 теңгелік жаңа банкноталардың айналымға енгізілгенін еске салды.

"Жаңа дизайндағы банкноталарды қабылдау немесе тапсыру кезінде техникалық мәселелер туындаған жағдайда, төлемдер мен айырбастау операцияларын жүргізу үшін екінші деңгейлі банктердің бөлімшелеріне жүгінуді ұсынамыз", - делінген хабарламада.

"Сақ стилі" жаңа сериясындағы өзге банкноталар 2026 жылдың соңына дейін кезең-кезеңімен айналымға толығымен шығады.

Сондай-ақ банк жаңа дизайндағы 10 000 теңгелік банкнотаның негізгі қорғаныш элементтерін ұсынады. Төмендегі нұсқаулық ел азаматтарына шынайы банкнотаны жалған ақшадан өз бетінше ажыратуға көмектеседі.

Ақша белгісінің қорғаныш элементтері туралы

1. Алтын интаглио (бедерлі бейне)

Қазақстан елтаңбасы алтын металл бояумен боялған.

2. Көру қабілеті нашар адамдарға арналған белгі

Банкнотаның шеттерінде жанасудан жақсы сезілетін шығыңқы элементтер бар.

3. Екі түсті қорғаныш жібі

Банкнотаның көлбеу бұрышы өзгерген кезде көк және күлгін түстердің динамикалық лүпілдеу әсері пайда болады.

4. Патч

"Барыс" артефактінің бейнесі. Банкнотаны аударған кезде тау шыңының және номиналдың цифрлық кескінінен ою-өрнекке ауысу әсері және сәулелердің жан-жаққа шашыраған динамикалық әсері пайда болады.

5. Түсі өзгермелі терезе

Терезедегi өтпелi жарықта тау шыңының сұлбасы алтын түстен көк түске езгередi.

6. Спарк

Артефакт түріндегі «аузында грифондары бар Барыстың басы» элементі. Банкнотаның бұрышы өзгерген кезде түсі алтыннан нефритке ауысады.

7. Иридисцентті бояу

Банкнотаның көлбеу бұрышы өзгерген кезде бет жағында алтын түстес, ал сырт жағында күлгін түстес жылтыры бар элементтер пайда болады.

8. Жергілікті электротип сутамғы белгісі

Өтпелі жарықта номинал бейнесінен тұратын электротип белгісі анық көрінеді.