"Отбасы банк" өкілдері жаңа ипотекалық бағдарлама туралы жалған ақпарат тарап жатқанын ескертті

"Отбасы банк" өкілдері желіде жаңа ипотекалық бағдарлама туралы жалған ақпарат тарап жатқанын ескертіп, тек ресми дереккөздерге сенуге шақырды. Бұл туралы KAZ.NUR.KZ "Отбасы банктің" Instagram-дағы парақшасына сілтеме жасап хабарлайды.

"Желіде Отбасы банкінің "ORDA" жаңа ипотекалық бағдарлама туралы жалған ақпарат тарауда. Маңызды мәлімет: мұндай бағдарлама жоқ", - деп ескертті банк өкілдері.

Фишинг белгілері:

1. Жалған жіберуші мекенжайы – info@hcsbank.kz.

2. Күмәнді сілтемелер, жалған сайттарға апарады.

3. Шындыққа сәйкес келмейтін мерзімдер мен жеңілдіктер туралы ақпарат.

"Сақ болыңыз! Отбасы банк жеке деректерді расталмаған сілтемелер арқылы сұрамайды және осындай хаттар жібермейді. Егер сізге келген ақпарат күмән туғызса, оны ресми сайттан немесе біздің байланыс орталығымыз арқылы нақтылаңыз", - делінген хабарламада.

Банк өкілдері тек ресми дереккөздерге сенуді шақырды. Банктің ресми сайты otbasybank.kz және байланыс орталығының нөмірі 300.

Мәтіннен қате тапсаңыз, бізге жазыңыз