Жетісу облысында жер учаскелерін бөлуге қатысты жергілікті атқарушы органдар қызметіне сыртқы талдау жүргізіледі
Опубликовано:
Сыбайлас жемқорлыққа қарсы іс-қимыл агенттігінің Жетісу облысы бойынша департаменті биыл 17 қаңтардан 27 ақпанға дейін барлық деңгейдегі жергілікті атқарушы органдардың қызметінде жер учаскелерін бизнеске бөлу, олардың қолжетімділігі, сондай-ақ оларға инфрақұрылым жүргізу және желілерге қосылу мәселелері бойынша сыбайлас жемқорлық тәуекелдеріне сыртқы талдау жүргізеді.
Биыл 17 қаңтарда жергілікті атқарушы органдардың басшылығымен жұмыс кездесуі өткізілді, оның барысында департамент пен облыс әкімдігі арасында сыртқы талдау жүргізу туралы бірлескен шешімге қол қойылды.
Талдау шеңберінде жерге құқық беру жағдайларын зерделеу, сондай-ақ рәсімдердің ашықтығы мен олардың қолжетімділігіне баға беру, жасанды кедергілерді анықтау және жою қажет.
Егер сізде жер учаскелерін беру кезінде жергілікті атқарушы органдардың қызметіне қатысты нақты ақпаратыңыз, шағымдарыңыз және ұсыныстарыңыз болса, Талдықорған қаласы, Қабанбай батыр көшесі, 36/42 мекенжайында орналасқан Антикор орталығына жүгіне аласыз немесе upk_almobl@mail.ru жібере аласыз
Қоғамда сыбайлас жемқорлыққа қарсы мәдениетті қалыптастыруда әрбір азаматтың пікірі маңызды, сондықтан облыс тұрғындарын сыбайлас жемқорлық тәуекелдерін анықтауға белсенділік танытуға және өз үлестеріңізді қосуға шақырамыз.
Барлық сұрақтар бойынша 8-7282-609-836, 8-705-871-87-87 нөмірлері бойынша хабарласуларыңызға болады.
Мәтіннен қате тапсаңыз, бізге жазыңыз