Энергетика министрі бензиннің кейбір түрі қымбаттауы мүмкін екенін ескертті

Бүгін министрлер кабинетінің кулуарында Энергетика министрі Алмасадам Сәтқалиев Қазақстанда жанармай тапшылығы болуы мүмкін бе деген сауалға жауап берді, деп хабарлайды KAZ.NUR.KZ.

Алмасадам Сәтқалиевтің сөзінше, елімізде АИ-92 маркалы бензиннің қажетті көлемде қоры бар.

"Бізде мұнай өңдеу зауыттары мен мұнай базаларында 23 күнге жететін қор бар. АИ-92 бойынша қауіп жоқ", – дейді министр.

Оның айтуынша, АИ-95 маркалы бензиніне қатысты қауіп бар.

"Бізде АИ-95 бензині бойынша белгілі бір қауіп туындап отыр. Баға өсуі мүмкін. Бірақ бұл - жазғы маусымда сапарлардың артуына байланысты реттелмейтін мәселе. Әсіресе, курорттық аймақтарға баратындар саны көбейеді. Осыған байланысты біз АИ-95 бензині бойынша бағаның өсу қаупін көріп отырмыз.

Жағдайды бақылауда ұстауға тырысамыз. Қазірдің өзінде мұнай өндіруші ұйымдармен, желілік компаниялармен Ресей Федерациясынан АИ-95-тің қажетті көлемін әкелуді қамтамасыз ету бойынша кездесулер өтті", – дейді Энергетика министрі.

Мәтіннен қате тапсаңыз, бізге жазыңыз