7 млрд теңге туралы ақпарат рас па: вице-министр су тасқынының алдын алуға қанша қаражат бөлінгенін айтты

Төтенше жағдайлар вице-министрі Бауыржан Сыздықов үкімет отырысынан кейін өткен баспасөз конференцияда тасқынның алдын алуға қанша ақша бөлінгенін айтты. Бұл туралы Kazinform хабарлады.

Агенттік мәліметінше, вице-министрден журналист "көктемгі тасқындарға қарсы 7 млрд теңге бөлінгені айтылып жүр, ол ақша қайда кетті" деп сұраған.

Вице-министрдің айтуынша бұл ақпарат – жалған.

"Тасқынға қарсы дайындық аясында бюджеттен 7 млрд теңге бөлінді деген ақпарат тарағаны рас. Бірақ бұл мәлімет дұрыс емес екенін айтқым келеді. Шын мәнінде 7 млрд теңге қарастырылған болатын.

Ал бөлінгені 3 млрд теңгеден астам қаражат. Ол қаражат, қазір өздеріңіз көріп отырғандай, тасқынның алдын алып, салдарымен күресуге бағытталып жатыр. Бүгінгі таңда әкімдіктердің ақпараты осындай", - деді ол.

Мәтіннен қате тапсаңыз, бізге жазыңыз