Қазақстанда бензин қоры қанша күнге жетеді: энергетика министрі жауап берді

Үкімет отырысында энергетика министрі Алмасадам Сәтқалиев баяндама жасап, 2023 жылмен салыстырғанда Қазақстанда жанар-жағармай нарығындағы жағдай жақсаратынын айтты. Бұл туралы KAZ.NUR.KZ хабарлайды.

Энергетика министрі келтірген мәлімет бойынша, қазіргі уақытта мұнай өнімдерін өндіру нарығындағы жағдай мынадай:

• МӨЗ, мұнай базалары мен жол бойындағы дизель отынының жиынтық қоры 612 мың тоннаға (38 күн) дейін ұлғайтылды. Атап айтқанда, Аи-92 маркалы бензиннің 352 мың тоннасы (30 күн) және Аи-95 маркалы бензиннің 86 мың тоннасы (30 күн) бар;
• орлар ЖЖМ өндірілуіне және өңірлерден өтінімдер берілуіне қарай үздіксіз толықтырылып отырады;
• мұнайды өңдеу тереңдігі, демек, ҚР-да жеңіл мұнай өнімдерін өндіру 85-тен 87 пайызға дейін ұлғайды;
• 5 мамырда Шымкент МӨЗ-де жоспарлы күрделі жөндеу аяқталды, зауыт штаттық режимде жұмыс істейді.

"Осылайша, ЖЖМ нарығындағы жағдай 2023 жылмен салыстырғанда жақсарды", - деді министр.

Бұған қоса мұнай өнімдерін өндіруді мына өндіріс орындарын кеңейту есебінен ұлғайту жоспарланған:

• Ақтау битум зауыты – 1-ден 1,5 млн тоннаға дейін (2025 ж.);
• Атырау МӨЗ – 5,5-тен 6,7 млн тоннаға дейін (2027 ж.);
• Павлодар ҰХЗ – 5,5-тен 8 млн тоннаға дейін (2030 ж.);
• Шымкент МӨЗ – 6-дан 12 млн тоннаға дейін (2030 ж.).

"Бұл жобаларды іске асыру ішкі нарықтың ЖЖМ-ге деген өсіп келе жатқан қажеттілігін 100 пайызға қамтамасыз етуге, сондай-ақ мұнай өнімдерін көрші елдерге экспорттауға мүмкіндік береді", - деп атап өтті Энергетика министрлігінің басшысы.

Мәтіннен қате тапсаңыз, бізге жазыңыз