Түркістандағы форумда 301 млрд теңге көлеміндегі 35 меморандумға қол қойылды

Түркістанда халықаралық инвестициялық форум өтіп жатыр. Жиын барысында жалпы құны 301 млрд теңгеден асатын 35 ынтымақтастық меморандумына қол қойылған. Бұл туралы KAZ.NUR.KZ Түркістан облысы әкімінің баспасөз қызметіне сілтеме жасап хабарлайды.

Әкімдік мәліметінше. бұл келісім аясында өңірде жаңа жобалар жүзеге асырылмақ.

Айта кетейік, форум бизнес пен инвесторлар үшін жаңа мүмкіндіктер ашып, Түркістан облысының халықаралық ынтымақтастықтағы стратегиялық маңыздылығын көрсетеді.

Жалпы Түркістан облысында 2027 жылға дейін жүзеге асатын 145 инвест жобаның пулы қалыптасқан. Бұл жобалар 17 мың жаңа жұмыс орнын ашып, өзіндік кірісті қосымша 100 млрд теңгеге ұлғайтуға мүмкіндік береді деп күтілуде.

Сондай-ақ өңірде 594 гектарды құрайтын 10 индустриалды аймақ және 580 гектардан тұратын арнайы экономикалық аймақтар бар. Онда 49 кәсіпорын жұмыс істейді. Қосымша 39 жобаның құрылысы жүргізіліп жатыр.

Мәтіннен қате тапсаңыз, бізге жазыңыз