Қазақстан интернеті ең арзан елдер тізіміне енді

Қазақстан ең төменгі құны 1 ГБ деректері бар елдер арасында 9-орынды иеленді. Бұл туралы Цифрлық даму министрлігіне сілтеме жасаған KAZ.NUR.KZ хабарлайды.

Министрліктің Telegram-дағы ресми арнасында жарияланған ақпаратқа сүйенсек, Қазақстан Money Super Market-тің Internet Accessibility Index рейтингінде ең төменгі құны 1 ГБ деректері бар елдер арасында 9-орынды иеленді.

"Қазақстандағы интернеттің орташа бағасы 1 ГБ үшін небәрі 0,61 доллар", - делінген ведомство мәлімдемесінде.

Министрлік өкілдері әлемдік контексте Қазақстан бірқатар елден озып тұрғанын атап өтті. Оның ішінде:

• Ресей – 0,69 доллар;
• Түркия – 0 0,79 доллар;
• Қытай – 0 0,90 доллар.

"Жалпы Орталық Азия елдері интернеттің жоғары қолжетімділігін көрсетуде", - дейді мамандар.