Шымкентте мемлекеттік қызметтер 99 пайыз электронды түрде көрсетіледі

Шымкентте мемлекеттік қызметтер 99 пайыз электронды түрде көрсетіледі. Бұл туралы KAZ.NUR.KZ Өңірлік коммуникациялар қызметіне сілтеме жасап хабарлайды.

ӨКҚ Instagram-дағы мәліметіне сүйенсек, 2023 жылдың қорытындысы бойынша Шымкент қаласы әкімдігінің құрылымдық бөлімшелері тарабынан жалпы 13,3 млн-нан астам мемлекеттік қызмет көрсетілген. Оның ішінде 99 пайызы (13 191 914 қызмет) электронды түрде, 1 пайызы (131 387 қызмет) қағаз түрінде ұсынылған.

2024 жылдың 3-тоқсанының қорытындысы бойынша барлығы 10 712 667 қызмет көрсетілген. Оның ішінде 98,4 пайызы (10 545 355 қызмет) электронды түрде, 1,6 пайызы (167 312 қызмет) қағаз түрінде жасалған.

Бүгінде қала аумағында жалпы 165 мемлекеттік қызмет түрі көрсетіледі. Оның 85 пайызы (140 қызмет) электронды форматта, 15 пайызы (25 қызмет) қағаз жүзінде жүргізіледі.

Мәтіннен қате тапсаңыз, бізге жазыңыз