793 млн теңге: Шымкентте тозығы жеткен су қоймалары жөнделетін болды

Шымкент аумағындағы әбден тозығы жеткен су қоймалары жөнделетін болды. Себебі осыдан жарты ғасыр бұрын соғылған Ақжар гидротехникалық нысаны қазіргі таңда ағын суды өз мүмкіндігінен 40 пайызға аз жинайды, деп хабарлайды Otyrar.kz.

Басылым мәліметіне сүйенсек, бүгінде арнаның айналасын қамыс басып, табаны саз балшыққа толып қалған. Салдарынан маңындағы каналдарға су жетпейді. Осыған орай нысанды қайта жаңғырту құрылысына 793 млн теңге қарастырылмақ.

Ұзындығы 660 метр болатын тоған тазартылып, арнасы темір бетонмен бекітіледі. Ал оның айналасы қоршалып, жарық пен дабыл сиренасы қойылады.

Осы ретте қалалық жайлы ортаны дамыту басқармасының өкілдері аймақтағы Текесу қоймасын талдап-тексеруден өткізгенін айтты.

Мәтіннен қате тапсаңыз, бізге жазыңыз