Қазақстанда жеке кәсіпкерлікті қалай жабуға болады

Егер Қазақстан азаматы жеке кәсіпкер (ЖК) мәртебесінен бас тарту туралы шешім қабылдаса, мемлекеттік кірістер органдарына белгілі бір құжаттар пакетін ұсынуы керек болады. Толығырақ KAZ.NUR.KZ материалында.

Қазақстандықтар үшін жеке кәсіпкер мәртебесін алу оңай: смартфон, интернет және банктің мобильді қосымшасы болса жеткілікті.

Алайда кейде керісінше, жеке кәсіпкерлікті жабу қажет болып жатады. Мысалы, 2023 жылдың соңында мыңдаған қазақстандық жеке кәсіпкерліктерін жауып тастады. Бұған себеп қатысуға тура келетін жалпыға бірдей декларациялаудың жаңа кезеңінің басталуы болды.

Жалпы алғанда, бұл процедураның күрделірек болатынын атап өткен жөн. Одан қалай өту керектігін Маңғыстау облысы бойынша мемлекеттік кірістер департаменті айтып берді.

Жеке кәсіпкерлікті жабу тәртібі

Ең алдымен, тіркеуден шығу азаматтың салықтық міндеттемелері болмаған жағдайда ғана болатынын білген жөн.

егер бәрі дұрыс болса, қазақстандық азамат келесі құжаттарды жинап, өзінің орналасқан жері бойынша салық органдарына тапсыруы қажет:

• қызметін тоқтату туралы салықтық өтініш;
• жекелеген қызмет түрлерін жүзеге асыратын салық төлеуші ​​ретінде қызметтің басталғаны немесе тоқтатылғаны туралы хабарлама;
• таратудың салықтық есептілігі;
• егер бар болса, бақылау-касса машинасын есептен шығару туралы салықтық өтініш.

Айта кетейік, қызметті тоқтату туралы салықтық өтінішті салық төлеушінің жеке кабинетінен онлайн беруге болады.

Таратудың салықтық есептілігіне келетін болсақ, ол жеке кәсіпкер қызметті тоқтату туралы салықтық өтініш берілген салық кезеңінің басынан бастап осындай өтініш берілген күнге дейінгі кезең үшін төлеуші болған салықтар мен төлемдердің түрлері бойынша жасалады.

Осыдан кейін мемлекеттік органдар азаматты жеке кәсіпкер ретінде тіркеуден шығарады.

Мәтіннен қате тапсаңыз, бізге жазыңыз