Елде азаматтардың банктік аударымдарына салық салына ма: ҰЭМ мәлімдеме жасады

Ұлттық экономика министрлігі азаматтардың банктік аударымдарына қосылған құн салығына салық салу туралы ақпараттың таралуына байланысты мәлімдеме жасады. Хабарлама ҰЭМ ресми сайтында жарияланды.

Министрлік банктердің өз қызметі үшін клиенттерден алатын комиссияларына салық салу жөнінде хабарлаған. Бұл ретте картаны шығару үшін немесе аударымдар үшін банк алатын комиссиялар есепке алынған.

"Жаңа Салық кодексінің жобасында екінші деңгейдегі банктердің қаржылық операцияларына қолданыстағы жеңілдікті жою жөніндегі норма ұсынылады. Азаматтар жүзеге асыратын аударымдардың өзіне салық салынбайды.

Егер бір банктің ішіндегі ақша аударымдары комиссиясыз жүзеге асырылса, тиісінше мұндай жағдайларда салық салынбайды. Жаңа Салық кодексінің жобасы талқылау сатысында тұрғанын еске сала кетейік. Ұсынылған нормалар Парламентте, бизнес-қоғамдастықпен және жұртшылықпен талқылануда. Кодекстің соңғы жобасы 2025 жылы қабылданады",- делінген министрлік хабарламасында.