"Толықтай қолдаймыз": экология министрі көлікті қыздыру кезінде айыппұл арқалауға қатысты пікір білдірді
Опубликовано:
Читать на русском
Министрлер кабинетінде өткен брифингте экология және табиғи ресурстар министрі Ерлан Нысанбаев көлікті бес минуттан артық қыздырғаны үшін салынатын айыппұлға қатысты өз көзқарасын айтты, деп хабарлайды KAZ.NUR.KZ тілшісі.
"Менің пікірім. Экология тұрғысынан алғанда, біз көлікті қыздыруды бес минуттан асырмау сияқты тәсілді қарастыратын жол қозғалысы ережелерін сақтау өте маңызды деп санаймыз.
Солтүстік өңірлерге келсек, көлікті көптен бері пайдаланып келе жатқан бәріміз де оны қыздыруға, жолға шығуға 5 минут жеткілікті деп айта алатын шығармыз. Бұл кез келген солтүстік аймаққа қатысты.
Сондықтан жанармай үнемдеу тұрғысынан көптеген адам бұл мәселеде әлдеқайда тиянақты бола бастады. Ал экология тұрғысынан біз бұл тәсілді толықтай қолдаймыз", - деді Нысанбаев.
Ол тіпті эксперимент жүргізуге уәде берді.
"Бүгін мен міндетті түрде көлікті түнде сыртқа қоямын және таңертең қарап көремін. Сізге тәжірибем мен нәтижелерімді айтып беретін боламын", - деп уәде берді министр.
Еске сала кетейік, ІІМ Әкімшілік полиция комитетінің ерекше тапсырмалар жөніндегі аға инспекторы Ақтоты Боранова бұл ереженің 20 жылдан бері бар екенін айтқан еді. Осылайша, қозғалтқышы жұмыс істеп тұрған көлік құралы бес минуттан астам бір орында қозғалмай тұрса және бұл тұрғындарға қолайсыздық тудырса, бұл Әкімшілік құқықбұзушылық туралы кодекстің 597-бабының 1-бөлігінде көзделген құқықбұзушылық деп танылады.
Осы орайда сенат кулуарында әділет вице-министрі Ботагөз Жақсылекова қандай жағдайда көлікті 5 минуттан артық қыздырғандарға айыппұл салу туралы заң нормасы қайта қаралатанынын айтып берген еді.
- "12-сі мемлекет меншігінде": Қазақстанның ірі қалаларындағы әуежайлар кімге тиесілі
- Алматыда АИ-95 маркалы бензиннің орташа құны күрт көтерілді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/nurfin/fines-and-taxes/2213771-tolyqtai-qoldaimyz-ekologiia-ministri-kolikti-qyzdyru-kezinde-aiyppul-arqalauga-qatysty-pikir-bildirdi/