42500 теңгені ала алмағандардың өтініші 1 желтоқсанға дейін қайта қаралмақ

Еңбек және халықты әлеуметтік қорғау министрлігінің ресми сайты 42500 теңгені алуға құқы жоқ деп танылған тұрғындардың өтінішін 1 желтоқсанға дейін қайта қарайтындарын мәлімдеді деп хабарлайды KAZ.NUR.KZ порталы.

Ресми сайтта жарияланған ақпаратқа сәйкес, қайта қарауға өтініштер 2020 жылдың 1 желтоқсанына дейін қабылданады. Бұдан бұрын «42 500 теңге» әлеуметтік төлемін тағайындау туралы өтінішіңізге бас тарту туралы шешім қабылданған болса, өтінішіңізді қайта қарау мүкіндігі берілуде. Ол үшін аудандық (қалалық) штабқа растайтын құжаттармен бірге тиісті өтініш беруіңіз керек.

Шағын және орта бизнес, ірі кәсіпкерлік қызметкерлері, коммерциялық емес заңды тұлғалар үшін өтінішті жұмыс беруші тарап бере алады. Бұл ретте өтініш тек әлеуметтік төлем тағайындаудан бас тарту (оны тоқтату) туралы шешім қабылданған қызметкерлер үшін берілетінін ескерген жөн.

Жеке кәсіпкерлер, жеке практикамен айналысатын адамдар, Бірыңғай жиынтық төлемді төлеушілер, азаматтық-құқықтық сипаттағы шарттар бойынша жұмыс істейтін адамдар болса, өздеріне қатысты әлеуметтік төлемді тағайындаудан бас тарту (оны тоқтату) туралы шешім қабылданған жағдайда, шешімді қайта қарауға өз бетінше өтініш бере алады.

Белгілі болғандай, еліміздің 2,4 млн-ға жуық тұрғыны карантин кезінде табысын жоғалтқаны үшін біржолғы төлем алған. Оның ішінде 2 млн 384,9 мың адам тамыз айында карантиннің ұзартылуына байланысты 21 250 мың теңге мөлшерінде қосымша ақы алып үлгерді.

Еске салсақ, бұған дейін елімізде коронавирус жұқтырған екі жүзге жуық адамның жағдайы нашар екенін хабарлаған болатынбыз.

Одан бөлек, мемлекет басшысы Қасым-Жомарт Тоқаев 42 500 теңге әлеуметтік төлеміне қатысты пікір білдірген еді.

Мәтіннен қате тапсаңыз, бізге жазыңыз