Дүйсенова балаларға Ұлттық қордан төленетін төлем мөлшеріне қатысты сынға жауап берді

Премьер-министрдің орынбасары Тамара Дүйсенова сенат отырысында "Ұлттық қор балаларға" жобасы аясындағы төлемдердің мөлшерін түсіндірді. Бұл туралы KAZ.NUR.KZ хабарлайды.

Журналистер атап өткендей, балалар 150 доллар алады деп күтілген, бірақ соңында түскен сома 100 доллар болды. Бұған жауап ретінде Тамара Дүйсенова өткен жылдың мамыр айында Қаржы министрлігі есеп жүргізгенін және бұл шамамен алынған сома екенін айтты.

"Инвестициялық кірістің 50 пайызы дедік. Біріншіден, бұл табыс көлемі, екіншіден, бала саны. Аллаға шүкір, бала туу көрсеткіші артып келетінін айта кету керек" - деп қосты ол.

Оның айтуынша, төлем 18 жасқа дейін қамтамасыз етіледі. Оған қоса, жыл сайын тиісті төлем төленеді.

"Егер Ұлттық банк Ұлттық қорды басқарса, жинақтаудың тиісті деңгейі болады деп күтеміз", - деп сендірді ол.

Сондай-ақ ол елімізде бала саны артқан сайын бұл сома азая ма деген сауалға да өз пікірін білдірді.

"Сіздер не ұсынасыздар? Ұлттық қорды таратып тастап отыра берейік пе? Жоқ, мәселе байлықты еліміздің барлық азаматтарына үлестіру болды. Алдымен балаларға бере бастадық", - деп түйіндеді Тамара Дүйсенова.

Мәтіннен қате тапсаңыз, бізге жазыңыз