Қазақстандықтарға кеңестік үлгідегі құжаттарды сақтағаны үшін қомақты сыйақы берілетіні рас па

Қазнетте КСРО дәуіріндегі құжатқа қомақты сыйақы берілетін туралы хабарлама тарады. Еңбек министрлігі кеңес дәуіріндегі құжаттарды сақтағаны үшін бонус берілетіні туралы хабарламаға қатысты түсініктеме беріп, ақпаратты жоққа шығарды, деп хабарлайды Stopfake cайты.

Желіде тараған хабарламада мұндай құжаттары бар азаматтар көп бонус ала алатыны жазылған.

Ақпараттың шынайылығын тексеретін сайт мәліметінше, Еңбек және халықты әлеуметтік қорғау министрлігінің баспасөз қызметі бұл ақпаратты жоққа шығарды.

"Барлық әлеуметтік төлемдер Әлеуметтік кодекспен реттелген. Мұндай төлем түрі жоқ!

Азаматтарды тек сенімді дереккөзден тараған ақпаратқа ғана сенуге және алаяқтардың арандатуына берілмеуге шақырамыз. Көрінеу жалған ақпарат таратқандар заң бойынша жазаланады", - деп ескертеді ведомство өкілдері.