Зейнетақы тағайындау кезінде жұмыссыз әкелердің декреттік демалысы ескеріледі

Қазақстанда зейнетақы тағайындау кезінде жұмыссыз әкелердің декреттік демалысы ескеріледі, деп хабарлайды мәжілістің баспасөз қызметіне сілтеме жасаған KAZ.NUR.KZ.

Бүгін мәжілістің жалпы отырысында мәжіліс депутаттары бастамашы болған қауіпсіз еңбек жағдайларын жетілдіру және жұмыскерлердің еңбек құқықтарын қорғау мәселелері туралы заң жобасы бірінші оқылымда мақұлданды.

Құжат аясында Еңбек кодексі мен "Халық денсаулығы және денсаулық сақтау жүйесі туралы" кодексіне өзгерістер мен толықтырулар енгізіледі.

Заңға сәйкес жұмыс істемейтін әкелердің зейнетақы төлемдерін есептеу кезінде бала күтіміне жұмсаған уақыты олардың жұмыс өтіліне қосылады.

Сондай-ақ депутаттар Әлеуметтік кодекске осыған қатысты түзетулер енгізуді көздеп отыр.

Қауіпсіз еңбек жағдайларын жетілдіру және жұмысшылардың еңбек құқықтарын қорғау туралы заң жобасында келісу комиссиясына делдал тарту туралы егжей-тегжейлі ережелер де ұсынылған. Ал өндірістік жарақаттың ауырлығын анықтау ережелерін уәкілетті денсаулық сақтау органы бекітеді.

Мәтіннен қате тапсаңыз, бізге жазыңыз