"330 миллион": Астананың топ-5 ең қымбат пәтерлері қандай?

Бүгінде еліміздің бас қаласында тұрғысы келетіндер саны күннен-күнге арта түсуде. Астанадан баспаналы болмақ қауым үшін редакция елорданың жылжымайтын мүлік нарығына арнайы талдау жүргізді. krisha.kz сайтына сілтеме жасаған NUR.KZ назарларыңызға Астана қаласының ең қымбат екі бөлмелі пәтердің бестігін ұсынады.

Елорда бойынша ең қымбат пәтер Алматы ауданындағы Гранд Астана тұрғын үй кешенінде орналасқан. Оның құны - 330 миллион теңге.

Екінші орынды 100 миллион теңге тұратын Сарыарқа ауданындағы екі бөлмелі пәтер тұр. Ол 2015 жылы тұрғызылған "Өркен де люкс" кешенінің үшінші қабатында орналасқан.

Үшінші орын Есіл ауданындағы екі бөлмелі баспана еншісінде. Оның құны 100 миллион теңгені құрайды.

Төртінші орынға Есіл ауданының "Арай" үй кешеніндегі тағы бір пәтер жайғасқан. Оның құны - 90 миллион теңге.

Екі бөлмелі баспана 2012 жылы салынған үйдің екінші қабатында орналасқан.

Бесінші орындағы пәтер елордадағы Алматы ауданынан болып шықты.

Жоғарыда келтірілген баспаналардың жанында бұл үй су жаңа деген атқа әбден лайық. Оған пәтер орналасқан "Pioneer" тұрғын үй кешенінің қолданысқа былтыр ғана берілгені себеп.

Бағасы 86 933 теңгені құрайтын пәтерді қазір сатып алған адам, оның алғашқы қожайыны атанбақ.

Айта кетейік, бұған дейін Алматы қаласындағы ең қымбат пәтерлер бестігін жариялаған болатынбыз.

Мәтіннен қате тапсаңыз, бізге жазыңыз