52 млн теңге: Астананың топ-5 қымбат көліктері

Мінілген көліктер нарығына талдау жасаған NUR.KZ редакциясы Кolesa.kz сайтына сілтеме жасай отырып, назарыңызға Астана қаласының ең қымбат көліктер бестігін ұсынады.

Астана қаласында сатылып жатқан мінілген көліктің ең қымбаты 52 миллион теңге тұрады. Ол 2007 жылы шығарылған Rolls-Royce Phantom автокөлігі. Шығарылғаннан бері 10 жылдан асса да, көлік небәрі 11 мың шақырым ғана жүрген.

Көлік иесінің айтуынша, темір тұлпардың барлық функциялары бар.

Екінші орынға 2017 жылғы Mercedes-Benz G 63 AMG көлігі орналасты. Оның бағасы 49 500 000 теңге.

Темір тұлпар Мәскеу қаласындағы автосалоннан алынған. Көлік иесі "Мерседес" мінсіз күйде сақталғанын жазған.

Үшінші орынға иеленген Mercedes-Benz GLS 500 көлігі 2016 жылы шығарылған. Оның құны 47 миллион теңге. Көлік иесінің айтуынша, бұл Қазақстан аумағындағы осындай күйдегі жалғыз көлік. Бағалай білген жандарға арналған зияткерлік көлік.

Төртінші орынға 45 миллион теңге тұратын Lexus LX 570 көлігі жайғасты.

Айта кететін жайт, көлік жаңа күйде сақталған. Тіпті орындықтардың қаптамалары шешілмеген. Оны CAR CITY авто агенттігі сатылымға шығарған.

Ең қымбат көліктер бестігін 2017 жылғы Mercedes-Benz E 63 AMG аяқтайды. Бұл көліктің бағасы 45 500 000 теңге.

Темір тұлпар иесі көлікті жаңа күйде сақталғанын алға тартып отыр. Көлік небәрі тоғыз мың шақырым жүрген.

Бір ерекшелігі көлік түгелдей бронь қабатымен қапталған.

Мәтіннен қате тапсаңыз, бізге жазыңыз