Алматыда жалға берілетін ең қымбат пәтерлердің бағасы мен сиқы қандай
Жарияланған күні:
Оңтүстік мегаполисте кейбір тұрғындар қаржысын үнемдеу арқылы өмір сүріп жатса, екіншілері дағдарысқа қарамастан арқаларын кеңге салып жүр. Осыған байланысты KAZ.NUR.KZ порталы Алматы қаласындағы жалға берілетін ең қымбат пәтерлердің бағасын анықтап көрді.

Krisha.kz сайтындағы хабарландыру бөлімінде тіркелген Алматы қаласындағы жалға берілетін ең қымбат пәтерлерді сіздерге ұсынамыз.
4 бөлмелі пәтер 1,5 млн теңге


Біздің рейтингтегі ең арзан баға Esentai Apartment таңдаулы тұрғын үй кешеніндегі 4 бөлмелі пәтер болып табылды. Оның жалпы аумағы 187 м² құрады. Пәтерді жалға алу бағасы айына 1,5 млн теңгені құрайды.
5 бөлмелі пәтер 1,9 млн теңге


Пәтер Esentai Apartment таңдаулы тұрғын үй кешенінде орналасқан. Оның аумағы 220 м² құрайды.
15 қабаттағы 5 бөлмелі пәтерді жалға алу үшін айына 1,9 млн теңге қожайынға беру керек.
5 бөлмелі пәтер 1 млн 925 мың теңге


240 шаршы метрлік пәтер әл-Фараби даңғылындағы көп пәтерлі ғимаратта орналасқан. Тұрғын үйдің терезесінен Көктөбе мұнарасы анық көрінеді.
4 бөлмелі пәтер 2 млн теңге


4 бөлмелі пәтер "Жайлау" тұрғын үй кешенінде орналасқан.
Көрсетілген бағаға бір айға пәтерді жалға алу, қымбат жиһаздар, авторлық дизайн кіреді.
7 бөлмелі пәтер 2,5 млн теңге




Алматы қаласы бойынша хабарландыруға берілген ең қымбат пәтер Медеу ауданында орналасқан бес қабатты таунхаус.
Оның жалпы аумағы 500 шаршы метрді құрайды.
Эксклюзивті авторлық дизайнмен салынған тұрғын үйдің жалға алу бағасы - айына 2,5 млн теңгені құрайды.
Таунхаустың ішінде мини сауна, гардеро, киім жууға арналған бөлме, жазғы алаң, көлікке арналған тұрақ бар.
Мақаланың түпнұсқасы: https://kaz.nur.kz/nurfin/personal/1821387-almatyda-zalga-beriletin-e-kymbat-pterlerdi-bagasy-men-siky-kandaj/