Bentley - 129 млн теңге: Қазақстандағы ең қымбат көліктердің бағасы қандай

Біз хабарландыру сайттарында "қолдан" сатылатын әртүрлі маркалы автокөліктердің бағаларымен таныстық. Нұрфин редакциясы Қазақстанда сатылатын модельдердің қайсысы ең қымбат, олардың сипаттамалары қандай және олар қай қалаларда сатылатыны туралы айтып береді.

Kolesa.kz сайтындағы көптеген хабарландырулардың арасынан біз 2019 жылға дейінгі автокөліктерді таңдадық. Сатылымға автосалон көліктері қатыспайды. Бір маркада тоқтап қалмас үшін, біз әртүрлі брендтегі автокөліктерді таңдадық.

Bentley, 129 150 000 теңге

2016 жылы шығарылған Bentley Mulsanne Қазақстанда сатылатын ең қымбат автокөліктер тізімін бастады. Темір тұлпар Алматы қаласында. Қозғалтқышының көлемі - 6,7 литр. Бензинмен жұмыс істейді. Көлік автомат қораппен жабдықталған.

Mercedes, 109 155 000 теңге

Бұл Қазақстанда сатылатын ең қымбат автокөліктер арасында танымал марка. Mercedes-Benz SLS AMG 2012 жылы шыққан моделі бағалы көлік. Оның қозғалтқышы бензинді, 6,2 литр. Сондай-ақ, ол автомат қораппен жабдықталған. Алматыда сатылады.

Rolls-Royce, 100 000 000 теңге

Сатылатындар қатарында Rolls-Royce маркалы көлігі де бар. 2015 жылы шыққан Rolls-Royce Wraith көлігінің қозғалтқыш көлемі - 6,7 литр. Бензинмен жұмыс істейді, автомат қорабы және артқы жетегі бар.

Ford, 91 000 000 теңге

1968 жылы шығарылған Ford Mustang көлігін де Алматыдан алуға болады. Оның қозғалтқышы - 7,2 литр. Бензинмен жұмыс істейді, артқы жетегі бар. Бұл механикалық қораппен жабдықталған жалғыз нұсқа.

BMW, 70 000 000 теңге

2017 жылы шығарылған BMW M760 көлігінің қозғалтқышы - 6,6 литр. Автомат қораппен жабдықталған. Бензинмен жұмыс істейді. Алматыда сатылады.

Toyota, 57 000 000 теңге

2013 жылы шыққан Toyota Tundra автокөлігі автоматты қораппен жабдықталған, бензинді қозғалтқыш көлемі - 5,7 литр. Бұл көлікті де Алматыдан алуға болады.

Porsche, 55 000 000 теңге

Бұл көлікті алу үшін Нұр-Сұлтанға бару керек. Porsche 911 маркалы темір тұлпары 2017 жылы шыққан. Көліктің қозғалтқышы - 3 литр. Бензинмен жұмыс істейді, автомат қораппен жабдықталған.

Мәтіннен қате тапсаңыз, бізге жазыңыз