Қазақстандық үлескерлердің құқықтары мен міндеттері қандай

Баспанасы жоқ әр қазақстандық жеке пәтері болғанын армандайды. Ал жылжымайтын мүлік алу үшін алуан түрлі мүмкіндік бар деп хабарлайды KAZ.NUR.KZ.

Пәтер сатып алудың нақты және пәрменді тәсілдерінің бірі-үлестік құрылысқа қатысу. Осы тұста әр жобаның шарттары мен талаптары болатынын есте сақтаған абзал.

Сонымен, қазақстандық тұрғын үй құрылысына кепілдік беру қорында үлескерлік құрылысқа қалай қатысу керектігі, сондай-ақ үлескердің құқықтары мен міндеттері түсіндірілді.

Үлескер ақшаны уәкілетті компанияның банктік шотына қолма-қол ақшасыз тәртіпте енгізуге және шарт талаптарын уақытылы орындауға міндетті.

Бұдан басқа, үлескер тұрғын үй ғимаратындағы өз жылжымайтын мүлкін бір күнтізбелік ай ішінде қабылдауы тиіс.

Сондай-ақ, үлескер уәкілетті компанияны дербес деректердегі өзгерістер туралы хабардар етуі керек. Мысалы, егер ол өзінің нақты мекен-жайын өзгертсе, онда бұл туралы компанияға бір ай ішінде жазу қажет.

Үлескердің құқығына келетін болсақ, ол компаниядан барлық қажетті ақпаратты ала алады, сондай-ақ одан шарт талаптарының тиісті орындалуын талап етуге мүмкіндігі бар.

Сонымен қатар, үлескер тұрғын үй құрылысына үлестік қатысу туралы шарт бойынша талап ету құқықтарын бере алады.

"Үлестік құрылыстың басты артықшылығы-бұл екінші реттік тұрғын үймен салыстырғандағы төмен баға. Біздің қор үлестік тұрғын үй құрылысын дамыту арқылы қазақстандықтарды тұрғын үймен қамтамасыз ету үшін барлығын жасайды",-деді Тұрғын үй құрылысына кепілдік беру қорында.

Мәтіннен қате тапсаңыз, бізге жазыңыз