Қазақ редакциясының басшысы

600 млн теңге: Нұр-Сұлтандағы ең қымбат пәтерлердің бағасы қанша (фото)

Опубликовано:21 ақпан 2020, 16:43

Астанадағы ең қымбат пәтерлердің бағасы жарты миллиард теңгенің айналасында. Шамамен әр пәтердің аумағы 500 шаршы метр, барлығы да елорданың орталығында орналасқан. Нұрфин редакциясы олардың суреттері мен бағаларын назарларығызға ұсынады.

Нұр-Сұлтандағы 7 бөлмелі пәтердің асханасы. Аумағы: 420 м². Бағасы: 604 800 000 теңге. Фото: krisha.kz: Facebook

Нұр-Сұлтандағы ең қымбат пәтерлердің бір ерекшелігі – қала орталығы мен оның инфрақұрылымына жақын орналасуы. Баспана бағалары мен суреттеріне шолу 2020 жылғы 20 ақпанда Krisha.kz сайтының деректеріне негізделіп жасалды.

7 бөлмелі пәтер, 604 800 000 теңге

Аталған пәтердің сатылымы жайлы екі хабарландыру болды. Ескісінде оның бағасы жоғары көрсетілген, атап айтқанда – 780 миллион теңге. Үй егелерінің бағаны неліктен 175 миллион теңгеге түсіргені белгісіз, дегенмен, шолу жасау кезінде бұл елордадағы ең қымбат пәтер болды.

Екі қабатты пентхаустың аумағы 420 шаршы метр, Италияның дизайнерлік жиһазымен жабдықталған. Екінші қабатында төрт жатын бөлмесі, әрқайсында жеке жуынатын бөлмелері бар. Ал бірінші қабатта қонақ бөлме, ас үй, кабинет және басқа да қосалқы бөлмелер бар.

Нұр-Сұлтандағы 7 бөлмелі пәтер орналасқан ТК. Аумағы : 420 м². Бағасы 604 800 000 теңге. Фото: krisha.kz: Facebook

Балалар бөлмесі. Фото: krisha.kz: Facebook

7 бөлмелі пәтер, 505 000 000 теңге

Аумағы 430 шаршы метрді құрайтын бұл екі қабатты баспана да барлық жиһазымен бірге сатылады. Екінші қабатында әдеттегідей жатын бөлмелер, ал бірінші қабатында қонақ күтуге және демалуға арналған бөлмелер қарастырылған.

Нұр-Сұлтандағы 7 бөлмелі пәтердің қонақ бөлмесі. Аумағы: 430 м². Бағасы: 505 000 000 теңге. Фото: krisha.kz: Facebook

Жуынатын бөлме. Фото: krisha.kz: Facebook

7 бөлмелі пәтер, 470 000 000 теңге

Баспананың аумағы 500 шаршы метр. Бұл пәтер де толықтай жиһазбен жабдықталған және дизайнерлік декормен өрнектелген.

Нұр-Сұлтандағы 7 бөлмелі пәтер орналасқан ТК. Аумағы: 500 м². Бағасы: 470 000 000 теңге. Фото: krisha.kz: Facebook

5 бөлмелі пәтер, 450 000 000 теңге

Бұл біздің шолудағы көлемі ең кіші пәтер – 329 шаршы метр. Баспананың аумағы тұтастай үйдегі бір қабатты алып отыр.

Бұл апартамент те толықтай италиялық жиһазбен жабдықталған және еуропалық декормен өрнектелген. Хабарландыруда көрсетілген басым тұсы – терезеден елорданың жағалауы мен қалалық саябақ көрінеді.

Нұр-Сұлтандағы 5 бөлмелі пәтердің лоджиясынан көрініс. Аумағы: 329 м². Бағасы: 450 000 000 теңге. Фото: krisha.kz: Facebook

8 бөлмелі пәтер, 413 000 000 теңге

Бұл біздің шолудағы ең кең пәтер. 8 бөлмелі баспана үш қабаттан тұрады. Төменгі қабатында ас үй, асхана және қонақ бөлмесі бар.

Екінші қабатында жеке гардеробтары және жуынатын бөлмелерімен жабдықталған жатын бөлмелер бар. Ал ең үстіңгі қабатында ойынға арналған бөлмелер, сондай-ақ шағын финтес залы бар.