jitsu gif branding logo appbranding logo app

    "Шаңырақ" тұрғын үй бағдарламасы бойынша өтінім қабылдау басталды

    Баспана сатып алу
    Көрнекі фото: pixabay.com

    Нұр-Сұлтан қаласында баспана кезегінде тұрған азаматтардан "Шаңырақ" бағдарламасы бойынша өтінім қабылдау басталды, деп хабарлайды Sputnik Қазақстан.

    Өтінімдер 1-9 наурыз аралығында қабылданады.

    Елордалықтар өтінімді электронды түрде Otbasybank.kz порталы арқылы (Нұр-Сұлтан қаласын таңдап, іздеуді басу қажет) береді.

    "Шаңырақ" бағдарламасы аясында Metro Cash& Carry супермаркеті жанындағы пәтерлер сатылады. Пәтерлер таза әрленген күйінде ұсынылады, бір шаршы метрі – 220 мың теңге, яғни бір бөлмелі пәтер 7 миллион теңгеден, ал екі бөлмелі пәтер 11 миллион теңгеден басталады.

    Өтінім беру үшін ешқандай құжат қажет емес. Тек SMS-хабарламаны растау үшін ұялы телефон болса жеткілікті.

    Бағдарламаға тұрғын үйге кезегіне қойылған күніне қарамастан Нұр-Сұлтан қаласында баспана кезегінде тұрған азаматтардың барлық санаты қатыса алады.

    "Шаңырақ" бағдарламасының шарттары

    Свежая публикация по теме:
    Елімізде жаңа пәтерлер құны тағы да шарықтады

    Қарыздың ең жоғарғы сомасы – 18 000 000 теңге;

    бастапқы жарна – 10%;

    жылдық 5%-пен;

    несиелеу мерзімі 20 жылға дейін;

    отбасының бір мүшесіне шаққанда табыс 133 266 теңгеден аспауға тиіс (мысалы, 4 адамнан тұратын отбасы, яғни кәмелетке толмаған екі бала мен ерлі-зайыпты, мұндай жағдайда отбасының барлық табысы 133 266*4=533 064 теңгеден аспауы шарт);

    Отбасы банкте жинақ шотының болуы.

    "Шаңырақ" бағдарламасы бойынша бастапқы жарнаның бір бөлігін өтеу үшін кейбір санаттағы азаматтар қайтарымсыз негізде 1,5 млн теңге тұрғын үй сертификатын ала алады.

    Олар: халықтың әлеуметтік әлжуаз топтары;көпбалалы отбасылар;

    жетім балалар;

    Тұрғын үйкезегінде тұрған келесі қызмет салаларының қызметкерлері:

    білім беру;

    денсаулық сақтау;

    мәдениет;

    спорт;

    әлеуметтік қамсыздандыру;

    ІІМ жанындағы полиция департаменті.

    Тұрғын үй сертификатын алу үшін отбасының бір мүшесіне шаққанда табыс 111 655 теңгеден аспауы керек.

    Сертификат Отбасы банк қарызды мақұлдағаннан кейін беріледі.

    "Шаңырақ" тұрғын үй бағдарламасы бойынша өтінім қабылдау басталды

    Барлығын бірінші болып біліп отырыңыз

    Бізге жазылып, Қазақстанның өзекті жаңалықтарынан, қызықты суреттер, видеолар мен эксклюзивтерден хабардар болыңыз.

    Instagram
    Сақтаулылар
    Мұнда әзірше бос
    Жарияланым парақшасында «
    » батырмасын қолданып, оны сақтаулылар тізіміне қосыңыз.