Шымкентте сатып алуға ұсынылмайтын тұрғын үй кешендерінің тізімі шықты

Шымкент қалалық орта сапасы және бақылау басқармасы сатып алу үшін ұсынылмайтын тұрғын үй кешендерінің тізімін жасады. Бұл туралы KAZ.NUR.KZ Шымкент қалалық әкімдігінің Telegram-дағы арнасына сілтеме жасап хабарлайды.

Әкімдік мәліметінше, бұл тұрғын үй кешендері үлескерлердің қаражатын тартуға рұқсаты жоқтығына және құрылыс-монтаж жұмыстарының басталғаны туралы хабарламаның болмауына байланысты ұсынылмайды.

Абай ауданы: 1. "РАМАДАН" ТК – "Асар-2" шағынауданы, 3195/1 учаске 2. "BAQSARAI" ТК – "Асар-2" шағынауданы, 3203 учаске

Әл-Фараби ауданы:

3. Көпқабатты тұрғын үй (атауы жоқ) – "Күншығыс" шағынауданы, Жібек Жолы даңғылы, 63

Тұран ауданы: 4. "AVENUE-32" ТК – Н.Төрекұлов көшесі, 4/3 5. Көпқабатты тұрғын үй (атауы жоқ) – "Отырар" шағынауданы, М.Дулати көшесі, 206А

Сонымен қатар, "Шымкент Сити" шағынауданында орналасқан "DAMDES-OTAU" тұрғын үй кешені, 10 және 15А учаскелері бойынша пәтер иелерінен тұрғын үй сапасына қатысты шағымдар түсіп жатыр.

Құжаттардың бар-жоғын тексеру үшін қалалық орта сапасы және бақылау басқармасына хабарласуға болады. Байланыс нөмірі: 8 747 430 16 03.

Мәтіннен қате тапсаңыз, бізге жазыңыз