Қазақстанда енді автокөлік тарихын смартфон арқылы тегін тексеруге болады

EGov mobile қосымшасында "Автокөлікті иелену тарихы" тегін қызметі пайда болды. Бұған дейін ол қызмет "Электронды үкімет" порталында қолжетімді болған. Оны қалай пайдалануға болатынын KAZ.NUR.KZ материалынан оқыңыз.

eGov Mobile мобильді қосымшасының пайдаланушылары көлік құралының иелену тарихы туралы ақпаратты смартфондарынан бірнеше қадам арқылы тікелей ала алады. Бұл ақпарати алу процесін айтарлықтай жылдамдатып, автокөлік сатып алу кезінде тәуекелдерді азайтуға көмектеседі.

Сервис көлік құралының аумағында алғашқы тіркелген күні, кепіл немесе ауыртпалықтың болуы, сондай-ақ алдыңғы иелерінің жалпы саны сияқты көлік құралы туралы толық ақпаратты тексеруге мүмкіндік береді. Бұл ретте алдыңғы иелердің жеке деректері құпия болып қалады.

Қызметті пайдалану үшін қосымшада автокөліктің мемлекеттік нөмірі мен техникалық паспорт нөмірін енгізу жеткілікті. Осыдан кейін пайдаланушыға көліктің толық мәліметтері, соның ішінде маркасы, шығарылған жылы, қозғалтқышының көлемі, шанақтың түсі және қосымша жабдықтардың болуы ұсынылады.

Сервисті пайдалану үшін пайдаланушыға:

• eGov Mobile мобильді қосымшасында авторизациядан өтіп, "Қызметтер" - "Жүргізу және көлік" - "Автокөлікті иелену тарихы" бөліміне өту;
• автокөліктің мемлекеттік нөмірі мен көлік құралын тіркеу туралы куәліктің нөмірін көрсету;
• "Іздеу" батырмасын басу;
• көлік құралы туралы толық деректі алу қажет.

Сервис Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитеті, "Ұлттық ақпараттық технологиялар" АҚ және Ішкі Істер министрлігінің бірлескен жұмысының арқасында іске асырылды.