Шымкентте енді жылжымайтын мүлікті тіркеу және сатып алу-сату келісімшарты ХҚКО-да рәсімделеді

Енді жылжымайтын мүлікті тіркеп және сатып алу-сату келісім шартын кез-келген ХҚКО арқылы ресімдеуге болады. Бұрын мұндай қызметті нотариустар көрсететін. Сатып алу-сату келісім шартын орталық маманы арқылы рәсімдеу құны жеке тұлғаларға 8500 теңге, ал заңды тұлғалар үшін 12500 теңгені құрайды. Бұл туралы KAZ.NUR.KZ қала әкімдігінің баспасөз қызметіне сілтеме жасап хабарлайды.

Әкімдік мәліметінше, мәмілені рәсімдеу үшін сатушы мен сатып алушы жылжымайтын мүлік құжаттарымен бірге ХҚКО-ға келуі қажет.

Егер екі тарап некеде тұрған жағдайда жұбайларынан нотариус арқылы рәсімделген келісімі талап етіледі. Қызметкер сатып алу- сату келісім шартын 2 данадан дайындайды.

Қызмет көрсету мерзімі құжат тапсырған күнді есепке алмағанда 1 жұмыс күнін құрайды. Жылжымайтын мүлікке құқықтарды мемлекеттік тіркеу үшін төлем прейскурант бойынша жүзеге асырылады.