RU

Алмазбек Атамбаев аштық акциясын тоқтатты

Алмазбек Атамбаев
Алмазбек Атамбаев. Фото: Getty Images/ Abylai Saralayev / Contributor

Қырғызстанның бұрынғы президенті Алмазбек Атамбаев аштық акциясын тоқтатты деп хабарлайды адвокат Замир Жоошевтің сөзіне сілтеме жасаған Азаттықтың Қырғыз қызметі.

Адвокаттың сөзіне сенсек, жазаны атқару жөніндегі мемлекеттік қызмет Атамбаевтың талаптарын орындағаннан кейін экс-президент аштық акциясын тоқтатқан.

"Атамбаев емге зәру. Сол себепті өзін N1 тергеу изоляторынан N47 колонияға ауыстыруды талап еткен еді. Бүгін, 28 қазанда Атамбаев аштықты тоқтатты", - деді Жоошев.

Еске салсақ, Атамбаев 2019 жылдың тамыз айынан бастап ұлттық қауіпсіздік жөніндегі мемлекеттік комитеттің тергеу изоляторында қамауда болған.

26 қазан күні ол өзін "өлім жазасына кесілгендер жазасын өтейтін колонияға" ауыстырғаны үшін аштық жариялаған болатын.

2020 жылдың жазында Бішкек аудандық соты қылмыстық топ жетекшісі Азиз Батукаевты заңсыз босату ісіне қатысы бар деп айыпталған Атамбаевты 11 жыл 2 айға бас бостандығынан айырған еді.

Сот Атамбаевтың мүлкін тәркілеп, оны мемлекеттік наградалары мен атақтарынан айырды. Артынша Бішкек қалалық соты үкімді өзгеріссіз қалдырды.

Одан бөлек, Қырғызстанның бұрынғы президенті Алмазбек Атамбаев 6 қазан күні түнде Бішкектегі митинг кезінде МҰҚК-дегі тергеу изоляторынан босатылған еді.

Экс-президент биылғы жылдың маусымында криминалды беделді тұлға Азиз Батукаевтың заңсыз босатылғаны туралы іс бойынша айыпталып, 11 жылға бас бостандығынан айырылған болатын.

Кейін Алмазбек Атамбаевтың қайта ұсталған сәтінен видео жарияланды. Қырғызстанның экс-президенті Алмазбек Атамбаевтың әйелі Раиса Атамбаева «Известия» басылымына күйеуінің қалай тұтқындалғаны туралы айтып берген.

Мақаланың түпнұсқасы: https://kaz.nur.kz/politics/1882078-almazbek-atambaev-astyk-akciasyn-toktatty/