RU

Меланья Трамп Байденнің әйелін Ақ үйдегі дәстүрлі шайға шақырған жоқ

Меланья
Меланья Трамп. Фото: Drew Angerer/Getty Images

АҚШ-тың бірінші ханымы Меланья Трамп қалыптасқан дәстүр бойынша Джо Байденнің әйелі Джиллді Ақ үйге шақыруы керек еді, бірақ әлі олай жасамады деп хабарлайды CNN.

Төрт жыл бұрын Дональд Трамп сайлауда жеңіске жеткенде, Меланья Трамп Мишель Обаманың шақыруымен Ақ үйде шай ішкен еді. Содан кейін болашақ бірінші ханымға резиденция көрсетілді. Бірақ бұл жолы Шығыс қанат пен көшбасшылардың резиденциясына көшу қозғалысы басталған жоқ.

Оның орнына Меланья Трамптың күнделікті жұмыс кестесімен таныс дереккөздің айтуынша, ешқандай өзгеріс жоқ, ал бірінші ханымның кеңсесі күнделікті кездесулер мен алдағы мерекелерді жоспарлауға бағытталған.

"Менің түсінуімше, Шығыс қанатта бәрі қалыпты", – деді ақпарат көзі.

Дереккөздің айтуынша, Меланья Трамп өтпелі процесті бастағысы келсе де, бірінші ханым президент Дональд Трамптың Джо Байденнің жеңісін мойындаудан бас тартуымен әлі де тығырыққа тірелуде.

Еске салсақ, АҚШ-тағы президент сайлауында қажетті дауыс санын жинай алмаған Дональд Трамптың жан жары Меланья Трамп жақын арада онымен ажырасу туралы арыз жазбақ.

Меланья Трамптың құрбысы Стефани Волкоффтың айтуынша, Дональд Трамп пен оның әйелі "іскерлік некеде" болған, тіпті олар Ақ үйдің бөлек бөлмелерінде тұрған.

Сондай-ақ, Дональд Трамп ауқымды митингілерді қайта жалғастыруды жоспарлап отыр. Бұл жолы митингтер дауыс беру нәтижелеріне қарсы бағытталмақ.

Мақаланың түпнұсқасы: https://kaz.nur.kz/politics/1884054-melana-tramp-bajdenni-jelin-ak-jdegi-dstrli-sajga-sakyrgan-zok/