RU

Жаңа сайланған мәжіліс депутаттары ант берді

Мәжіліс1
Фото: parlam.kz

Мәжілістің жаңадан сайланған депутаттары ант берді - олардың парламенттегі алғашқы жұмыс күні ант беруден басталды деп хабарлайды KAZ.NUR.KZ тілшісі.

Мәжілістің жаңа депутаттарының әрқайсысы Конституцияға қолын қоя отырып, ант берді - рәсім президенттің қатысуымен парламент палаталарының бірлескен отырысынан кейін өтті.

Ант беру рәсімінен кейін мәжілісте пленарлық отырыс өтеді.

"Мен Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарына қатаң бағынуға және маған жүктелген депутаттық міндеттерді адал орындауға ант етемін", - дейді депутаттар.

Айта кетсек, бүгін, 15 қаңтар күні парламент мәжілісінде VII шақырылым депутаттарының отырысы өткен болатын. Жиын кезінде депутаттар Нұрлан Нығматулинді мәжіліс төрағасы етіп сайлады.

Еске сала кетсек, Қазақстанда 10 қаңтарда мәжіліс пен мәслихат сайлауы өтті. Сайлауға "Қазақстан халық партиясы", "Nur Otan", "Ауыл" халықтық-демократиялық патриоттық партиясы, "Ақ жол" демократиялық партиясы, "Адал" саяси партиясы қатысқан болатын.

12 қаңтар күні сайлаудағы дауыс берудің соңғы нәтижелері жарияланып, дауыс беру қортындысы бойынша үш партия - "Nur Otan", "Ақ жол" және ҚХП мәжіліске өтті. Ал 14 қаңтарда Орталық сайлау комиссиясы жетінші шақырылымдағы мәжіліс депутаттарын тіркеді.

Мақаланың түпнұсқасы: https://kaz.nur.kz/politics/1893954-zaa-sajlangan-mzilis-deputattary-ant-berdi/