Ұлыбритания барлау қызметі тәлібтермен келіссөз жүргізді

Ұлыбританияның барлау қызметкерлері "Талибан" (Қазақстанда тыйым салынған ұйым) көшбасшыларымен британ азаматтары және британиялық күштермен жұмыс жасаған ауғандардың Ауғанстаннан қауіпсіз шығуы және бұл елдің халықаралық лаңкестердің базасына айналмауы үшін келіссөздер жүргізді деп хабарлайды The Guardian.

Біріккен барлау комитетінің төрағасы сэр Саймон Гасс бірнеше күн бұрын Катардағы Дохаға барды, Ұлыбританиядан, АҚШ-тан және басқа батыс елдерінен әскерлерінің шығарылуына байланысты Ауғанстанның жаңа билеушілерімен сөйлесті.

Ұлыбритания мен оның одақтастары 20 жыл бойы күресіп келе жатқан топпен пікірталастар – Ұлыбритания мен Батыстың "Талибанмен" (Қазақстанда тыйым салынған ұйым) келісімге келуге бағытталған күш-жігерінің бір бөлігі, нәтижесінде дипломатиялық мойындауға әкелуі мүмкін.

Ұлыбританияға барғысы келетін ауғандықтардың Пәкстанға, Өзбекстанға және Тәжікстанға аман-есен саяхаттауға рұқсат беру әрекеті талқыланды. Ұлыбритания Ауғанстанды халықаралық терроризмнің трамплиніне айналдырмауға тырысуда, бұл британиялық дереккөздердің айтуынша, кездесулерде талқыланатын тақырыптардың бірі болып табылады.

Ұлыбритания 2001-2014 жылдар аралығында Ауғанстанда АҚШ-пен бірге соғысқан. Барлығы 457 британиялық әскер "Талибан" сарбаздарымен болған қақтығыста қаза тапты, олардың көпшілігі оңтүстіктегі Гильменд провинциясындағы сұрапыл соғыстарда жан тапсырды.

Ұлыбританияның MI6 сыртқы барлау қызметі дағдарыс кезінде де белсенді болды, пәкстандық БАҚ агенттік басшысы сэр Ричард Мур өткен аптада Пәкістан армиясының штаб бастығы генерал Камар Джавед Баджвамен кездесуден шыққаннан кейінгі барлау мен қорғаныс саласындағы ынтымақтастықты талқылады деп хабарлады.

Мәтіннен қате тапсаңыз, бізге жазыңыз