Германияның жаңа канцлері сайланды

Олаф Шольц Германия Федеративтік Республикасының жаңа канцлері болды, деп хабарлайды РИА Новости.

Германия бундестагындағы дауыс беру қорытындысы бойынша Германия канцлері болып социал-демократиялық партияның өкілі Олаф Шольц сайланды.

Жеңіске жету үшін үміткер дауыстың басым бөлігін иелену керек. Яғни, бундестагда үміткердің кандидатурасын 736 депутаттың кем дегенде 369-ы қолдауы тиіс.

Анықталғандай Олаф Шольцке 395 депутат дауыс берген.

Олаф Шольц жаңа қызметіне дейін 2018 жылдың ақпанынан сәуіріне дейін социал-демократиялық партиясы төрағасының міндетін атқарушы болған.

Айта кетейік, бұған дейін Германия үкіметін 16 жыл Ангела Меркель басқарды.

Жуырда оның құрметіне салтанатты шара өтті.

Іс-шараға 200 қонақ қатысқан. Олардың қатарында Меркельдің саясаттағы әріптестері де бар.

Мәтіннен қате тапсаңыз, бізге жазыңыз