БҰҰ халықаралық сотында Украинаның Ресейге қарсы ісі бойынша отырыс күні белгіленді

Опубликовано:

БҰҰ соты
Фото: "Эхо Москвы" басылымы

Гаагадағы БҰҰ Халықаралық соты 7-8 наурызда Ресей мен Украина арасындағы геноцид қылмысының алдын алу және ол үшін жазалау туралы 1948 жылғы Конвенцияны бұзу мәселесі аясында алдын алу шарасы бойынша сот тыңдалымын өткізеді.

Бұл жайында ТАСС соттың баспасөз хабарламасына сілтеме жасап жазады.

"Отырыс 7-8 наурызда өтеді. Тыңдалым Украина берген алдын алу шараларын енгізу туралы талаптарға қатысты болады", - делінген сот хабарламасында.

Сонымен қатар, басылымның мәліметінше, Ресей сот төрағасы Джон Донохюден шұғыл жеке хабарлама алған. Онда Донохью Ресейге "соттың алдын алу шараларын қабылдау туралы кез келген шешіміне тиісті түрде әрекет ету қажет екенін" жеткізген.

Естеріңізге сала кетейік, 27 ақпанда Украина Гаагадағы БҰҰ Халықаралық сотына Ресейге қарсы арыз жолдады. Ол Ресей Федерациясын "агрессияны ақтау мақсатында геноцид ұғымын бұрмалағаны үшін" жауапқа тартуды талап етті.

Мақаланың түпнұсқасы: https://kaz.nur.kz/politics/1958750-buu-xalyqaralyq-sotynda-ukrainanyn-reseige-qarsy-isi-boiynsa-otyrys-kuni-belgilendi/