"Адамдар сендердің кесірлеріңнен өлуі мүмкін": Зеленский НАТО жұмысын сынға алды (видео)

Опубликовано:

Зеленский ұндеу жариялады
скриншот: www.facebook.com/president.gov.ua

Украина президенті Владимир Зеленский көпшілікке кезекті бейнеүндеуін жолдады. Онда ол НАТО-ны Украина үстінен өтетін ұшақтар үшін әуе кеңістігін енгізуден бас тартқаны үшін сынға алды. Зеленскийдің үндеуі президент кеңсесінің Facebook парақшасында жарияланды, деп хабарлайды KAZ.NUR.KZ тілшісі.

Владимир Зеленский үндеуінің украин тілінен аудармасын "Страна" басылымы жариялады.

Зеленский бұл шешім Ресеймен соғысқа әкелуі мүмкін болғандықтан НАТО елдерінің ұшуға тыйым салу аймағын енгізгісі келмейтінін атап өтті.

"Бүгін тағы бір нәрсені еске түсіруіміз керек. Қауіпсіздік кепілдіктері мен уәделері, одақтардың шешімі, менің ойымша, біреу үшін ештеңе емес. Бүгін НАТО Саммиті өтті. Әлсіз саммит. Еуропадағы бостандық үшін күресті бірінші мақсат деп санамайтынын көрсетті.

НАТО елдерінің барлаушылары жаудың барлық жоспарын жақсы біледі. Олар сондай-ақ Ресей шабуылды жалғастыруды жоспарлап отырғанын растады.

Тоғыз күн бойы біз қатыгез соғысты көріп келеміз. Біздің қалаларымызды, тұрғын үйлерді, шіркеулерді, мектептерді қиратып, халыққа оқ жаудыруда.

Жаңа соққылар мен құрбандардың болатынын біле отырып, НАТО Украинаның аспанын жаппау туралы шешімді саналы түрде мақұлдады.

НАТО елдері "Украина аспанының жабылуы Ресейдің НАТО-ға қарсы тікелей агрессиясын тудырады" деген пікірге келді деп санаймыз.

Сіздерге адамдар туралы, адамзат туралы ойлану керек еді. Сол отырыста сіздер не жайында ойладыңыздар? Осы күннен кейін қаза табатын барлық адам сіздердің кесіріңізден өлім құшады.

Бүгінгі таңда Альянс Украина үшін 50 тонна дизель отынын сатып алуға ғана қауқарлы. Мүмкін, бұл біздің Будапешт меморандумын өртеп жіберуіміз үшін, жақсы жануы үшін қажет шығар. Бірақ ол қазірдің өзінде Ресей әскерлерінің отында өртеніп кетті.

Біз осындай НАТО-ны қаладық па? Сонда осындай Альянсты құрдыңыздар ма?" - деді Владимир Зеленский.

Мақаланың түпнұсқасы: https://kaz.nur.kz/politics/1959439-adamdar-senderdin-kesirlerinnen-olui-mumkin-zelenskii-nato-zumysyn-synga-aldy-video/