Тоқаевтың Әзербайжанға ресми сапары барысында қандай құжаттарға қол қойылды

Опубликовано:

Қасым Жомарт Тоқаев пен Ильхам Әлиев құжаттарға қол қоюда
Фото: Ақорда

Мемлекет басшысы Қасым Жомарт Тоқаевтың Әзербайжанға ресми сапары барысында қандай құжаттарға қол қойылғаны белгілі болды. Бұл туралы Ақорда ресми сайтында хабарлады.

Президенттің баспасөз қызметінің хабарлауынша, мемлекет басшысының Бакуге ресми сапары барысында келесі құжаттарға қол қойылды:

1. Қазақстан Республикасы және Әзербайжан Республикасы арасындағы стратегиялық қатынастарды нығайту және одақтастық өзара іс-қимылды тереңдету туралы Декларация

2. Қазақстан Республикасы мен Әзербайжан Республикасы арасындағы 2022-2026 жылдарға арналған ынтымақтастықты дамыту жөніндегі кешенді бағдарлама

3. Қазақстан Республикасының үкіметі мен Әзербайжан Республикасының үкіметі арасындағы сауда-экономикалық ынтамақтастық туралы келісім

4. Қазақстан Республикасының Сыртқы істер министрлігі және Әзербайжан Республикасының Сыртқы істер министрлігі арасындағы 2023-2024 жылдарға арналған Ынтымақтастық жоспары

5. Қазақстан Республикасының Мәдениет және спорт министрлігі мен Әзербайжан Республикасының Мәдениет министрлігі арасындағы мәдени ынтымақтастық жөніндегі 2022-2025 жылдарға арналған бағдарлама

6. Түркістан қаласы мен Шуша қаласы арасында бауырлас қарым-қатынастарды орнату туралы хаттама

7. Қазақстан Республикасының Ақпарат және қоғамдық даму министрлігі мен Әзербайжан Республикасының Медианы дамыту агенттігі арасындағы өзара түсіністік туралы меморандум

8. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Әзербайжан Республикасының Цифрлық даму және көлік министрлігі арасында ақпараттық-коммуникациялық және жоғары технологиялар саласындағы ынтымақтастық бойынша өзара түсіністік туралы меморандум

9. Қазақстан Республикасының Индустрия және инфрақұрылымдық даму министрлігі мен Әзербайжан Республикасының Цифрлық даму және көлік министрлігі арасындағы көлік саласындағы ынтымақтастық туралы өзара түсіністік туралы меморандум

10. Қазақстан Республикасының Индустрия және инфрақұрылымдық даму министрлігі мен Әзербайжан Республикасының Цифрлық даму және көлік министрлігі арасындағы транзиттік жүк тасымалы саласындағы ынтымақтастық туралы өзара түсіністік туралы меморандум.

Еске сала кетейік, 24 тамызда Қасым Жомарт Тоқаев Әзербайжанға ресми сапармен барды. Мемлекет басшысы ең алдымен ел президенті Ильхам Әлиевпен кездесті.

Кейін олар кеңейтілген құрамда келіссөз жүргізді.

Мақаланың түпнұсқасы: https://kaz.nur.kz/politics/1984667-toqaevtyn-azerbaizanga-resmi-sapary-barysynda-qandai-quzattarga-qol-qoiyldy/