"Ақ жол" партиясы да президенттікке Тоқаевтың кандидатурасын ұсынды
Опубликовано:
"Ақ жол" партиясының съезінде депутаттар мемлекет басшысы Қасым-Жомарт Тоқаевтың президенттікке кандидатурасын қолдады, деп хабарлайды KAZ.NUR.KZ.
"Ақ жол" партиясынан президент сайлауына қатысу үшін барлығы төрт кандидат ұсынылған. Олар:
- Жетісу облысынан журналист Сандуғаш Дүйсенова;
- Мәжіліс депутаты Серік Ерубаев;
- "Ақ жол" Ақтөбе облыстық филиалының төрағасы Асқар Садықов;
- Сонымен бірге партия мүшелері қазіргі президент Қасым-Жомарт Тоқаевтың кандидатурасын ұсынған.
Жасырын дауыс беру үшін съезд делегаттарына 126 бюллетень берілген. Есепте 120 бюллетень болды.
Дауыстар келесідей бөлінді:
- Жетісу өңірінің журналисі Сандуғаш Дүйсеноваға – 11 дауыс;
- Мәжіліс депутаты Серік Ерубаевқа – 23 дауыс;
- "Ақ жол" Ақтөбе облыстық филиалының төрағасы Асқар Садықовқа – 17 дауыс;
- Қасым-Жомарт Тоқаевқа – 74 дауыс берілген.
Осылайша, "Ақ жол" партиясы президенттікке Қасым-Жомарт Тоқаевтың кандидатурасын қолдаған.
Еске салайық, бұған дейін Amanat партиясы Қазақстан президенттігіне кандидат ретінде Қасым-Жомарт Тоқаевты ұсынған болатын.
Сондай-ақ "Қазақстан халық партиясы" Қазақстан президенттігіне кандидат ретінде мемлекет басшысын ұсынған еді.
Мақаланың түпнұсқасы: https://kaz.nur.kz/politics/1991418-aq-zol-partiyasy-da-prezidenttikke-toqaevtyn-kandidaturasyn-usyndy/