Президент сайлауының түпкілікті қорытындысы шықты

Орталық сайлау комиссиясының брифингінде кезектен тыс президент сайлауының түпкілікті қорытындысы жарияланды, деп хабарлайды KAZ.NUR.KZ.

Орталық сайлау комиссиясының мәліметінше, Қазақстандағы кезектен тыс президент сайлауында қазақстандықтар келесідей дауыс берген:

• Қасым-Жомарт Тоқаев – 81,31%
• Жигули Дайрабаев – 3,42%;
• Қарақат Әбден – 2,60%;
• Мейрам Қажыкен – 2,53%;
• Нұрлан Әуесбаев – 2,22%;
• Салтанат Тұрсынбекова – 2,12%;
• Барлығына қарсы - 5,80%.

"Осылайша, Орталық сайлау комиссиясы халық сайлаған Қасым-Жомарт Тоқаев Кемелұлын Қазақстан президенті етіп тіркеді", - деді Әбдіров.

Ұлықтау рәсімі 2022 жылдың 26 қарашасына белгіленді.

Еске сала кетейік, 20 қарашада елімізде кезектен тыс президент сайлауы болды. ОСК жариялаған сайлаудың алдын ала қорытындысы бойынша Қасым-Жомарт Тоқаев ең көп дауыс жинаған.