Тоқаевты ұлықтау рәсімі тікелей эфирден көрсетіледі

Сенбі, 26 қарашада Астанада кезектен тыс президент сайлауында жеңіске жеткен Қасым-Жомарт Тоқаевты ұлықтау рәсімі өтеді. Шара тікелей эфирде көрсетіледі, деп хабарлайды БОРТ N1 Telegram-арнасы.

"Ертең, 26 қараша күні Қазақстан президенті Қасым-Жомарт Тоқаевты салтанатты ұлықтау рәсімінің трансляциясы республикалық телеарналардан, интернет-ресурстардан, сондай-ақ Ақорданың әлеуметтік желілердегі ресми аккаунттарынан тікелей эфирде көрсетіледі. Көрсетілім Астана уақыты бойынша сағат 10:50-де басталады", - деп жазды Желдібай.

Еске сала кетейік, 20 қараша күні өткен кезектен тыс президент сайлауында Қасым-Жомарт Тоқаев жеңіске жетті. Ол 81,31 пайыз дауыс жинаған.

Мәтіннен қате тапсаңыз, бізге жазыңыз