Қазақстанда Стратегиялық жоспарлау бөлімінің меңгерушісі ауысты
Опубликовано:
Мемлекет басшысы Қасым-Жомарт Тоқаевтың өкімімен Рақымжан Ерназар Стратегиялық жоспарлау бөлімінің меңгерушісі лауазымына тағайындалды. Бұл туралы Ақорда Telegram-дағы ресми арнасында хабарлады.
"Мемлекет басшысының өкімімен Рақымжан Серікбайұлы Ерназар Қазақстан Республикасы президенті әкімшілігінің Стратегиялық жоспарлау бөлімінің меңгерушісі лауазымына тағайындалды", - делінген хабарламада.
Бұған дейін бұл лауазымда Айдын Құлсейітов болған еді.
20 шілдеде ол мемлекет басшысының өкімімен президент әкімшілігінің әлеуметтік-экономикалық мониторинг бөлімінің жаңа меңгерушісі болып тағайындалғаны туралы жазған едік.
Сондай-ақ Ақорданың ресми сайтында жарияланған ақпаратқа сәйкес, Қазақстан Республикасы президентінің әкімшілігі - бұл президент құратын, оған тікелей бағынатын және есеп беретін мемлекеттік орган.
Әкімшіліктің міндеті — президенттің қызметін ақпараттық-талдамалық, құқықтық, хаттамалық-ұйымдастырушылық, құжаттамалық және өзге де бағытта қамтамасыз ету.
Мақаланың түпнұсқасы: https://kaz.nur.kz/politics/2032119-qazaqstanda-strategiyalyq-zosparlau-boliminin-mengerusisi-auysty/
