Amanat партиясы мәжіліс депутатының бос мандатына Вера Кимді ұсынды

Парламент мәжілісі депутатының партиялық тізім бойынша бос мандаты Вера Кимге берілді. Тиісті шешім Орталық сайлау комиссиясына жіберілді, деп хабарлайды Amanat партиясы Telegram-дағы ресми арнасында.

"Amanat партиясы Саяси кеңесі бюросының қаулысымен парламент мәжілісі депутатының партиялық тізім бойынша бос мандаты Ким Вера Александровнаға берілді. Тиісті шешім Қазақстан Республикасының Орталық сайлау комиссиясына жіберілді", – делінген партия хабарламасында.

Еске сала кетейік, 31 тамыз күні мәжіліс депутаты Ғалымжан Елеуов өкілеттігін мерзімінен бұрын тоқтатуға өтініш берген еді. 1 қыркүйекте парламент мәжілісінің жалпы отырысында оның өкілеттігі тоқтатылды.

Ал бірнеше күннен кейін Ғалымжан Елеуов Ақтөбе облысы әкімінің орынбасары болып тағайындалды.

Мәтіннен қате тапсаңыз, бізге жазыңыз