Тоқаев бірқатар мұғалімге "Қазақстанның еңбек сіңірген ұстазы" құрметті атағын берді
Жарияланған күні:
Мемлекет басшысы Қасым-Жомарт Тоқаев аса үздік жетістіктері және Қазақстан Республикасына сіңірген айрықша еңбегі үшін бірқатар мұғалімге "Қазақстанның еңбек сіңірген ұстазы" құрметті атағын берді. Бұл туралы Ақорда Telegram-дағы ресми арнасында хабарлады.
Аталған марапат:
- еңбек ардагері Майра Мәмбетоваға (Алматы қаласы);
- Қожаберген жырау атындағы орта мектеп мұғалімі Айжан Қапезоваға (Петропавл қаласы);
- С.Әбдіжаппаров атындағы жалпы орта мектеп-интернатының мұғалімі Роза Салимоваға (Түркістан облысы);
- А.Байтұрсынұлы атындағы мектеп-гимназия мұғалімі Сәбира Күлпейісоваға (Қарағанды қаласы);
- академик Қаныш Сәтбаев атындағы мектеп-балабақша оқу-тәрбие кешенінің мұғалімі Сәбит Ибадуллинге (Павлодар облысы);
- Райымбек батыр атындағы №50 "Қазғарыш" мектеп-лицейінің мұғалімі Айгүл Ержановаға (Астана қаласы);
- Ақтөбе облыстық мамандандырылған "Білім-инновация" лицей-интернатының мұғалімі Баян Базарғалиеваға салтанатты түрде табысталды.
Мақаланың түпнұсқасы: https://kaz.nur.kz/politics/2039691-toqaev-birqatar-mugalimge-qazaqstannyn-enbek-sinirgen-ustazy-qurmetti-atagyn-berdi/
