Тоқаев Қызылордада балаларға үстел теннисінен мастер-класс көрсетті (видео)

Мемлекет басшысы Қасым-Жомарт Тоқаев Қызылорда облысына жұмыс сапары барысында жас теннисшілермен кездесіп, үстел теннисінен мастер-класс көрсетті, деп хабарлайды KAZ.NUR.KZ.

"Президентің телерадиокешені Instagram-дағы ресми парақшасында мемлекет басшысының үстел теннисін ойнап жатқан видеосын жариялады, - делінген видеоның сипаттамасында.

Айта кетейік бүгін мемлекет басшысы жұмыс сапарымен Қызылорда облысына барды.

Мемлекет басшысы Қасым-Жомарт Тоқаевтың Қызылорда облысына сапары Сырдария ауданы Нағи Ілиясов ауылының тыныс-тіршілігімен танысудан басталды. Президент Нағи Ілиясов ауылындағы спорт кешенін аралаған болатын.

Кейін президент Қасым-Жомарт Тоқаев "Қызылорда – Жезқазған" автожолын салу барысымен танысып, жауапты тұлғаларға тапсырма берген еді.