"Халық дауысы": дауыс берудің алдын ала нәтижесі қандай

Міне, "Халық дауысы 6.0" онлайн дауыс берудің үшінші аптасы да өз мәресіне жетті. Бүгін "Жылдың үздік мемлекет қайраткері" номинациясы бойынша ең көп дауысқа ие болған шенеуніктің кім екенін бірге анықтаймыз.

Үш аптаның дауыс беру нәтижелері бойынша дауыстардың ең көп санын жинаған бұрынғы премьер-министр Әлихан Смайылов. Ол қазақстандық министрлер кабинетін екі жылдан астам уақыт бойы басқарды. Еске сала кетсек, Әлихан Смайылов 2022 жылы Қаңтар оқиғасынан кейін премьер-министр лауазымына тағайындалған.

Премьер-министр өз лауазымына келген сәттен бастап ең ауыр сынақтарға тап болды. Абай және Қостанай облыстарында болған ірі табиғи өрттердің салдары әлі де есімізде. Сондай-ақ қыс мезгілінде бір уақытта бірнеше аймақта жылумен байланысты үлкен проблемалар туындады. Нәтижесінде Екібастұз бен Риддер тұрғындары жылусыз қалды.

2023 жылы тағы бір қайғылы оқиға болды, бұл жолы Костенко шахтасында жарылыс болып, 46 кеншінің өмірі қиылды. Осы оқиғалардың барлығы Әлихан Смайылов басқарған үкімет қазақстандықтардың қызу талқысына айналып, қатты сын тудырды.

Экс-премьердің "Халық дауысы 6.0" жобасындағы жетістігін оның ашықтығымен және қоғаммен кері байланысқа шығуға дайындығымен түсіндіруге болады. Ол бейресми баспасөз конференциясы кезінде алғашқылардың бірі болып журналистердің алдына шықты. Сондай-ақ Әлихан Смайылов Маңғыстауға жұмыс сапары барысында өзімен аттас маңғыстаулық бүлдіршіннің тұсауын кесті.

Қазіргі уақытта Әлихан Смайылов ҚР жоғары аудиторлық палатасын басқарады.

"Жылдың үздік мемлекет қайраткері" номинациясында екінші орынды қазіргі премьер-министр Олжас Бектенов иеленді. Ол 2023 жылдың 3 сәуірінен бастап ҚР Президенті Әкімшілігінің басшысы қызметін атқарды, ал бірнеше жыл бұрын ҚР сыбайлас жемқорлыққа қарсы іс-қимыл агенттігінің төрағасы лауазымына тағайындалған болатын.

Бектенов жемқорларға қарсы күресте белсенділігімен танымал. Оның тұсында бұрынғы президенттің айналасындағы адамдар тұтқындалды. Мысалы тұңғыш президенттің немере інісі Қайрат Сатыбалды сыбайлас жемқорлық фактісі бойынша алты жылға колонияға жіберілді.

Үшінші орында Қазақстан Республикасының мемлекеттік кеңесшісі Ерлан Қарин. Сонымен қатар ол дизлайк саны бойынша көш бастап тұр.

Біздің Instagram-дағы ресми парақшамызда біз оқырмандарға шенеуніктерге сұрақтар қоюды ұсындық. Алайда, посттардың астындағы көптеген пікірлерге қарамастан, бірде-бір қолданушы өз өтінішін қалдырған жоқ.

Бұл "Халық дауысы" жобасының аралық қорытындысы ғана. Дауыс берудің соңына дейін әлі уақыт бар. Біз барлық азаматтарды онлайн-дауыс беруге қатысып, шенеуніктердің жұмысын бағалауға шақырамыз. Сіздің дауысыңыз маңызды!