Ертең Астанаға Гвинея-Бисау президенті ресми сапармен келеді
Жарияланған күні:
18 желтоқсанда Гвинея-Бисау президенті Умару Сисоку Эмбало Астанаға ресми сапармен келеді. Бұл туралы Ақорда хабарлады.
Ақорда ақпаратынша, ертең мемлекет басшысы Қасым-Жомарт Тоқаевтың шақыруымен Гвинея-Бисау президенті Умару Сисоку Эмбало Астанаға ресми сапармен келеді
Жоғары деңгейде өтетін келіссөздер барысында Қазақстан мен Гвинея-Бисау арасындағы саяси, сауда-экономикалық, мәдени-гуманитарлық салалардағы ынтымақтастық перспективасы талқыланады.
Айта кетейік, бұған дейін БҰҰ климаттың өзгеруі жөніндегі 29-шы конференциясы аясында Қасым-Жомарт Тоқаев Гвинея-Бисау президенті Умару Сисоку Эмбаломен кездесу өткізген болатын. Сондай-ақ Тоқаев әріптесін Қазақстанға шақырған еді.
Мақаланың түпнұсқасы: https://kaz.nur.kz/politics/2201255-erteng-astanaga-gvineia-bisau-prezidenti-keledi/
