Тоқаев Президент Әкімшілігінде лауазымды қызметке тағайындалған Дархан Сатыбалдыны қабылдады

Мемлекет басшысы Қасым-Жомарт Тоқаев Президент Әкімшілігі басшысының бірінші орынбасары Дархан Сатыбалдыны қабылдады. Бұл туралы Ақорда хабарлайды.

Президент кездесу барысында Дархан Сатыбалдының Түркістан облысында атқарған жұмысына жоғары баға берді.

Қасым-Жомарт Тоқаев Президент Әкімшілігі басшысының бірінші орынбасары лауазымы басқару процесі мен аймақтар арасындағы ықпалдастықты жетілдіру, өзінің тапсырмалары мен шешімдерінің жергілікті жерде орындалу барысына бақылауды күшейту, сондай-ақ қабылданған шаралардың сапасын жақсартып, азаматтардың мемлекеттік институттарға сенімін нығайту мақсатында енгізіліп отырғанын атап өтті.

Сонымен қатар Президент Әкімшілігі басшысының бірінші орынбасарына нақты міндеттер жүктелді.

Еске салайық, 6 қаңтарда Дархан Сатыбалды Президентінің Әкімшілігі басшысының бірінші орынбасары болып тағайындалғанын хабарлаған болатынбыз.

Оның орнына Түркістан облысының әкімі болып Нұралхан Көшеров тағайындалды.

Мәтіннен қате тапсаңыз, бізге жазыңыз