Берік Құнанбаев ҰҚК басшысының орынбасары болып тағайындалды

Берік Садықұлы Құнанбаев Ұлттық қауіпсіздік комитеті төрағасының орынбасары лауазымына тағайындалды, деп хабарлады Ақорда ресми сайтында.

"Мемлекет басшысының өкімімен Берік Садықұлы Құнанбаев Қазақстан Ұлттық қауіпсіздік комитеті төрағасының орынбасары – "А" Арнаулы мақсаттағы қызметінің директоры лауазымына тағайындалды", - делінген хабарламада.

Сондай-ақ, президент өкімімен Әнуар Төлеуханұлы Садықұлов Қазақстан Ұлттық қауіпсіздік комитеті төрағасының орынбасары – "А" Арнаулы мақсаттағы қызметінің директоры лауазымынан босатылды.