Дәурен Абаев таяуда жаңа қызметке тағайындалмақ

Дәурен Абаев ТМД бас хатшысының орынбасары болып тағайындалды. Бұл туралы ақпаратты NUR.KZ Сыртқы істер министрлігінің ресми өкілі растады.

"Иә, растаймыз. Ол (Дәурен Абаев – ред.) ТМД бас хатшысының орынбасары болып тағайындалады. Абаев 7 наурызда Минскіге ұшады. Ол Қазақстаннан басқа өкіл Бекетжан Жұмахановтың орнына тағайындалады", – деп хабарлады NUR.KZ тілшісіне СІМ ресми өкілі Айбек Смадияров.

Еске салайық, биыл қаңтар айының басында Дәурен Абаев президент Қасым-Жомарт Тоқаевтың жарлығымен Мәдениет және спорт министрі қызметінен босатылған болатын.

Қаңтар айының соңында оның адам құқықтары жөніндегі комиссия құрамынан шығарылғаны белгілі болды.

Мәтіннен қате тапсаңыз, бізге жазыңыз