Талғат Ластаев Көлік вице-министрі қызметіне тағайындалды

Үкіметінің қаулысымен Талғат Тлеубекұлы Ластаев еліміздің Көлік вице-министрі қызметіне тағайындалды, деп хабарлайды премьер-министрдің ресми сайты.

Талғат Ластаев 1980 жылы Шығыс Қазақстан облысында дүниеге келді.

Шығыс Қазақстан мемлекеттік университетін, С. Аманжолов атындағы Шығыс Қазақстан мемлекеттік университетін, Президент жанындағы Мемлекеттік басқару академиясын, Украина Ұлттық авиациялық университетін, Дьюк университетінің Сэнфорд мемлекеттік саясат мектебін (Солтүстік Каролина, АҚШ) бітірді.

Еңбек жолын 1999 жылы банк саласында бастады.

Түрлі жылдары өндірістік кәсіпорындарда басшылық қызметтерде жұмыс істеді.

2008 жылы — Көлік және коммуникация министрлігі Көлік-коммуникация кешенін дамыту департаменті Автомобиль жолдары басқармасы бастығының міндетін атқарушы.

2008-2009 жылдары — Көлік және коммуникация министрлігі Автомобиль жолдары комитеті Сапаны басқару басқармасының бастығы.

2009-2014 жылдары — Көлік және коммуникация министрлігінің Азаматтық авиация комитеті төрағасының орынбасары.

2014-2019 жылдары — Инвестициялар және даму министрлігінің Азаматтық авиация комитеті төрағасының орынбасары.

2019-2023 жылдары — Индустрия және инфрақұрылымдық даму министрлігі Азаматтық авиация комитетінің төрағасы қызметін атқарды.

Мәтіннен қате тапсаңыз, бізге жазыңыз